福岡空港最近首次獲得國際航空評級機構

「SKYTRAX」5星評價，

成為西日本首個獲此評級的機場，

亦係日本國內第4個5星機場。

 

「SKYTRAX」一直被稱為航空界其中一個最具代表性的國際評級機構，

會從服務、清潔度、便利性、旅客體驗等多方面進行評核。

 

而「5星」評價，一直都唔容易取得。

目前日本能夠獲得5星評價的，

包括羽田機場等少數大型機場。

 

今次福岡空港首次入選，

某程度上都反映——

福岡作為國際城市，正愈來愈受到注目。

 

福岡空港其中一個最大特色，

就係「距離市區非常近」。

 

由博多一帶出發，

十幾分鐘左右已經可以到達機場。

 

對旅客嚟講，當然方便；

但對於經常往返日本、

甚至考慮喺福岡生活或置業嘅人嚟講，

就更加重要。

 

交通便利，只係福岡其中一個優勢。

之後再同大家分享下，

點解愈來愈多人會考慮喺福岡生活。

由 2026年4月1日 起

凡係持有日本不動產嘅人士（包括個人及法人）：

👉 如果登記上嘅地址或姓名有任何更改

例如：搬屋、海外轉地址、改名等

👉 必須向日本法務局申請「住所等變更登記」

 

主要原因係為了解決「所有者不明土地問題」——

即因為登記資料過舊，政府同相關機構無法即時知道

物業真正嘅業主係邊個、住喺邊度。

 

簡單嚟講：

📍 之前呢個登記係「可做唔做都得」；

📍 而家係 「法律義務」，唔做係有風險嘅。

 

如果 冇正當理由 又唔申請登記，

而法務局催促後仍然唔做，

可能會被罰款。

日本將正式對單車違規引入「青切符」制度（違規罰款通知）。

最近見到呢張「日本單車違規罰款表」，

小編第一反應就係 —— 原來有咁多項目會被罰 😅

💴 罰款由幾千到過萬日圓不等。

其實喺日本，單車係被視為「車輛」，

如果涉及危險駕駛，甚至酒後踩車，

都有可能涉及刑事責任 ⚠️

講到最容易唔小心犯到嘅，

小編自己覺得反而係呢幾個👇

・🚴‍♂️ 2人並行踩車

・📱 踩單車時用手機

・🛑 見到「止まれ」冇停車

・↩️ 逆線行（逆走）

有時見到有人咁樣做，其實都幾危險。

嚟福岡旅遊，踩單車真係好方便又舒服，

但記得都要留意交通規則，安全第一 ☀️